Откако вчера се одржа жрепката за квалификациските групи за пласман на Мундијалот 2026, доцна синоќа УЕФА го објави и распоредот на натпревари.
Македонија доби одличен распоред. Почнуваме на гости кај аутсајдерот Лихтенштајн, а потоа го пречекуваме Велс. Два натпревара во кои со максимални 6 бодови би се истакнале како кандидати за врвот, се разбира, доколку го совладаме Велс, кој ни е ривал за првото место заедно со Белгија, која веќе не е силата што беше изминатава деценија.
Токму Белгија ни е следниот противник, и тоа исто така во Скопје. Практично, Македонија до летото ќе знае дали има или нема шанси за прв историски пласман на Мундијал.
Целосниот распоред на Македонија:
22 март 2025 (сабота) во 15:00 часот
Лихтенштајн - Македонија
25 март 2025 (вторник) во 20:45 часот
Македонија - Велс
6 јуни 2025 (петок) во 20:45 часот
Македонија - Белгија
9 јуни 2025 (понеделник) во 16:00 часот
Казахстан - Македонија
4 септември 2025 (четврток)
Македонија е слободна. Можен е пријателски натпревар против Финска, Романија, Норвешка, Албанија или Гибралтар, кои исто така тогаш се слободни, или пак репрезентација од друг континент.
7 септември 2025 (недела) во 18:00 часот
Македонија - Лихтенштајн
10 октомври 2025 (петок) во 20:45 часот
Белгија - Македонија
13 октомври 2025 (понеделник) во 20:45 часот
Македонија - Казахстан
15 ноември 2025 (сабота)
Македонија е слободна. Можен е пријателски натпревар против Литванија, Сан Марино, Израел, Латвија или Чешка, кои исто така тогаш се слободни, или пак репрезентација од друг континент.
18 ноември 2025 (вторник) во 20:45 часот
Велс - Македонија
