Познати барабаните за следната жрепка во Лигата на нации, Македонија во последниот

Откако синоќа се одиграа реванш бараж натпреварите од Лигата на нации, објавени се и барабаните за жрепката за следното издание на ова натпреварување.

Репрезентацијата на Македонија како првопласирана во својата група од Лигата Ц обезбеди пласман во Лига Б за новата сезона 2026/2027 на УЕФА Лигата на нации.

Жрепката ќе биде извршена на почетокот на следната година, а нашата селекција ќе биде во последниот, четврти барабан заедно со Шведска, Северна Ирска и Косово, што значи дека нема да можеме да играме против овие три репрезентации.

Наши потенцијални противници од првиот барабан се Шкотска, Унгарија, Полска и Израел, од вториот се Швајцарија, Босна и Херцеговина, Австрија и Украина, а од третиот се Словенија, Грузија, Ирска и Романија.

Од сите можни противници Македонија никогаш се нема сретнато единствено со Швајцарија, нити во квалификации ниту на приајтелска.

Во жрепката за Лига Б ќе има и една забрана, односно Босна и Херцеговина нема да може да се падне во иста група со Косово.

Петтата сезона на Лигата на нации ќе се игра во септември, октомври и ноември 2026, а баражите и фајнлфор турнирот во март и јуни 2027 година.