Селекторот на македонската фудбалска репрезентација го објави списокот на повикани играчи за претстојните два мундијалски квалификациски натпревари.
Македонската репрезентација прво на 8 октомври му гостува на аутсајдерот Лихтрентајн во Вадуц, а три дена подоцна следува спектал во Скопје која на 11 октомври, на денот на македонското востание против нацистичката и фашистичката окупација во Втората светска војна, ни гостува колосот Германија.
По тој повод селекторот Благоја Милевски денеска на прес-конференција во просториите на Националната Арена „Тоше Проески“ објави список со 26 играчи. Ново име на списокот е играчот од средниот ред Ердал Ракип, поранешен младински репрезентативец на Шведска кој претходно на сакаше да игра за Македонија, но во меѓувреме се предомисли. Повикан е и Атанасов од сплитски Хајдук, додека за разлика од минатиот месец ги нема Аврамовски (без клуб е) и голманот Јанков. Повторно е изоставен голманот Давид Митов Нилсон.
Интересно, но и поразително за домашната лига, на списокот нема ниту еден фудбалер кој настапува за македонски клуб.
Голмани:
Столе Димитриевски - Рајо Ваљекано (Шпанија)
Дамјан Шишковски - Докса (Кипар)
Дејан Илиев - Серед (Словачка)
Одбрана:
Стефан Ристовски - Динамо (Хрватска)
Дарко Велковски - Ријека (Хрватска)
Висар Муслиу - Фехервар (Унгарија)
Кире Ристевски - АЕЛ (Кипар)
Езџан Алиоски - Ал-Ахли (Саудиска Арабија)
Тодор Тодороски - Раднички Ниш (Србија)
Стефан Ашковски - Шепши (Романија)
Ѓоко Зајков - Левски (Бугарија)
Никола Серафимов - Залаегерсег (Унгарија)
Средина:
Елиф Елмас - Наполи (Италија)
Енис Барди - Леванте (Шпанија)
Стефан Спировски - Мариупол (Украина)
Тихомир Костадинов - Ружомберок (Словачка)
Бобан Николов - Шериф (Молдавија)
Аријан Адеми - Динамо (Хрватска)
Ердал Ракип - Малме (Шведска)
Јани Атанасов - Хајдук (Хрватска)
Напаѓачи:
Адис Јаховиќ - Ѓозтепе (Турција)
Милан Ристовски - Спартак (Словачка)
Бојан Миовски - МТК (Унгарија)
Александар Трајковски - Алборг (Данска)
Дарко Чурлинов - Шалке 04 (Германија)
Никола Ѓорѓев - Грасхоперс (Швајцарија)
Собирот на репрезентативците е на 3 октомври во Скопје.