Тенис
АТП КУП АВСТРАЛИЈА 2020

Познати групите и распоредот за австралискиот АТП куп

18. септември 2019 - 11:18 | Ф.З.

Најдобрите тениски репрезентации ќе играат меѓусебе поделени  во шест групи, секоја со по четири репрезентации. Домаќин е Австралија. Ѓоковиќ, Надал и Федерер ќе ги предвојат своите земји.

Познати се 19 учеснички, но останува да се добијат уште пет преку квалификации за да се дојде до бројката од 24. Тие пет накнадно ќе бидат распоредени во некомплетираните групи. Првите две од секоја група ќе поминат во наредената фаза.

Возбудувањата почнуваат на 3 јануари 2020, а турнирот ќе трае до 12-ти. Ќе се игра во три града и тоа Перт, Сиднеј и Бризбејн.

Репрезентациите ќе може да пријават по двајца тенисери. Ќе се играат по три натпревари, два во сингл и еден во двојки.

Коментирај