Пред два дена почина славниот дизајнер Карл Лагерфелд. И додека многумина жалат за него, светските медиуми пишуваат за тоа од што починал Лагерфелд и кој ќе го наследи.
Креативниот директор на Chanel почина во болница во Париз по кратко боледување. Некои медиуми пренесуваат дека дизајнерот починал од рак на панкреасот, болест од која боледувал веќе некое време. Daily Mail пишува дека Карл никогаш не зборувал за својата болест, дека со неа се борел лавовски и во тишина.
Во текот на животот, освен модата, се бавел со вежбање, се хранел здраво, а веста дека боледува од рак за него била голем шок. Ова за весникот го откри близок човек на Лагерфелд.
Лагерфелд, роден во Хамбург во 1933 година, беше на врвот во светот на модата, водејќи ги модните куќи Chanel и Fendi.
