Фудбал

Познати сите четвртфиналисти во Копа Америка

25. јуни 2019 - 8:56 | МИА

Бело Хоризонте, 25 јуни 2019 (МИА) – На фудбалскиот Куп на Америка кој се одржува во Бразил со одигрувањето на натпреварите од 3.коло во групата-Ц заврши првата фаза по која познати се осумте селекции кои ќе играат во четвртфиналето.

Тоа се двете првопласирани од трите групи, како и две репрезентации кои завршија на третото место и се со подобар биланс од другата третопалсирана.

Во четвртфиналето одат: Бразил, Венецуела и Перу (А-група); Колумбија, Аргентина и Парагвај (Б-група) и Уругвај и Чиле (Ц-група).

Ноќеска во последното коло од групата Ц, Уругвај го победи Чиле со 1:0, додека Еквадор и Јапонија ремизираа 1:1.

Во четвртфиналето ќе играат:

Бразил – Парагвај (Порто Алегре, 27 јуни)
Венецуела – Аргентина (Салвадор, 28 јуни)
Колумбија – Чиле (Сао Пауло, 28 јуни)
Уругвај – Перу (Ресиве, 29 јуни)

Коментирај