Познатиот Бразилец уште е на дното: Пијаниот Адриано привлече внимание во фавелите

Некогаш еден од најдобрите напаѓачи во светот, Адријано изгледа не е во најдобра состојба, иако еднаш призна дека му е најубаво во родните бразилски фавели.

Имено, познатиот Император повторно бил фатен како пијан талка по улиците, овој пат со пиво и цигара во рацете, додека случајните минувачи го снимале во тоа лошо издание.

Сопнувањето на Бразилецот првично се појави на профилот на TikTok, а потоа ги преплави социјалните мрежи.

Да потсетиме дека Адриано е роден во фавела во Рио де Жанеиро каде владее сиромаштија и криминал, па фудбалот му бил единствениот излез.

Со Бразил подоцна играше во легендарните генерации со Роналдо, Роналдињо, Кака, Кафу, Роберто Карлос, Ривалдо...

На крајот за бразилската репрезентација одигра 48 натпревари и постигна 27 гола.

Најголем белег на клупски план остави во Интер, поточно од 2004 до 2008 година.