Италија е втората земја со најмногу заразени со коронавирус во светот, па Италијанците времето го минуваат затворени во домовите. Во еден од најромантичните градови, Венеција, вечно заматените и нечисти канали овие денови, поради отсуство на туристи, конечно се чисти.
Локалните жители велат дека водата не била толку чиста со години. На Facebook страницата Venetia Pulitia жителите споделуваат видеа и фотографии од каналите, без илјадници туристички бродови кои секојдневно пловат по каналите.
Извештајот од Европскиот парламент од февруари 2019 година го опишува загрижувачкото ниво на загадување на водата и воздухот во Венеција. За ваквата состојба ги обвинија нерегуларните бродови.
Објаснувањето сега е дека недостатокот од сообраќај на каналите е главна причина зошто водата е бистра.
Моментално во Италија има заразено вкупно 31.506 луѓе со коронавирусот, а бројот на починати е 2.503 лица.