Компанијата Samsung онлајн ќе го претстави смартфонот Galaxy Note 20 во август.
Ова ќе биде првпат еден уред од серијата Note да не биде претставен јавно и пред повеќе луѓе.
Samsung по обичај ја претставуваше серијата Note во Њујорк во текот на летото, а минатата година Note 10 и Note 10 Plus беа претставени на 7 август. Овој настан ќе биде тешко да се организира преку летото поради ситуацијата со коронавирусот, така што од компанијата се одлучија за онлајн претставување.
Засега не е познат точниот датум, а се очекува дека Samsung ќе го претстави и моделот Note 20 Plus.
Гласините се дека Galaxy Note 20 ќе има камера од 108 МP, како и Qualcomm Snapdragon 865 процесор.