Audi на 9 февруари официјално ќе го претстави серискиот e-tron GT кој беше претставен како концепт на Саемот за автомобили во Лос Анџелес во 2018 година.
Овој модел ќе биде конкуренција на Tesla Model S, а ќе се произведува во истата фабрика во која се произведува Audi R8.
Според некои информации, основната верзија ќе има погон на задните тркала, а со батериите од 79,2 kWh ќе може да се поминат околу 400 километри.
Audi исто така потврди дека ќе го претстават и моделот RS e-tron GT.
RS e-tron GT ќе биде првиот потполно електричен автомобил кој ќе го развива Audi Sport.
Audi RS e-tron GT ќе има погон на сите четири тркала, ќе развива 600 КС(со overboost функцијата 650 КС и 830 Nm). Oд 0 до 60 милји на час ќе забрзува за само 2,7 секунди.
Би требало да се продава по цена од околу 138.000 евра.