Вакцинацијата против COVID-19 во државава почнува утре, а познато е кое медицинско лице ќе ја има честа да го означи стартот.
Договорот паднал првo да се вакцина најстарото и најискусното медицинско лице од Клиника за Инфективни болести и фебрилни состојби. Се работи за д-р примариус Добринка Наунова Јовановска која ќе го „скрши мразот“ примајќи ја првата доза од вакцината на производителот Pfizer/BioNTech кои завчера пристигнаа како донација и пријателски гест од Србија.
Вакцинацијата ќе почне од 10 часот во модуларната болница на Клиниката за Инфективни болести и фебрилни состојби, а засега ќе се вакцинираат само медициските лица.
Досега се пријавени 4.000 здравствени работници за вакцинација, од кои околу 2.000 се во Скопје, а останатите се во другите градови.
Секој здравствен работник кој ќе прими вакцина, веднаш ќе му биде резервирана втора доза за ревакцинација.