Најдобриот тенисер во светот на стартот на УС Опен ќе игра со тенисер од квалификациите.
Потенцијалните ривали во второто коло се Грекспур или Штруф, додека Ноле во третото коло најверојатно ќе игра против поранешниот финалист на УС Опен Кеи Нишикори.
Во четвртфиналето може да игра и со Матео Беретини.
Ѓоковиќ на УС Опен има можност да го освои четвртиот Грен слем трофеј во сезоната и да сруши уште еден рекорд: со 21. титула ќе биде на првото место на вечната листа.
Новак три пати беше најдобар на УС Опен во 2011, 2015, 2018 година, а во одлучувачките дуели беше поразен во 2007, 2010, 2012, 2013 и 2016 година.
Првиот играч во светот во досегашната кариера освои 20 Грен слем титули и е на врвот на вечната листа заедно со Роџер Федерер и Рафаел Надал.
Минатата сезона најдобар беше Доминик Тим кој нема да учествува оваа година поради повреда.