Хардвер

Практично и функционално: Цел компјутер сместен во еден маус

22. јануари 2019 - 17:03 | К.З.

Во последните неколку години сме сведоци на големи технолошки иновации кои работат во насоката кон сместување на бројни технологии во еден уред. Последен во низата е маусот кој во него содржи цел еден компјутер, сосем функционален и подготвен за употреба.

Денешните смартфони се доказ дека секоја технологија може да се смести во мал, практичен уред со тенок дизајн, во кој може да се смести половина од вашиот живот.

Инспириран од смартфоните, јутјуберот Electronic Grenade се обиде да „спакува“ потполно функционален компјутер во внатрешноста на компјутерски маус. Крајниот резултат е навистина импресивен и иако не е најмоќен, неговиот концепт е навистина уникатен.

Оригиналниот план беше да го смести компјутерот Raspberry Pi во куќиштето на обичен компјутерски маус, но тоа се покажа како невозможно поради големината на обичниот маус. Наместо тоа, со помош на 3D принтер, тој испринта компјутерски маус кој би можел да се надогради.

Малку е поголем од останатите, регуларни компјутерски мауси, но и покрај тоа има нормални димензии. Маусот има мал екран кој може да се собере, како и тастатура која се вклопува во маусот. Курсорот на екранот се мрда со помош на движење на маусот, исто како кај нормален компјутер.

Можеби не се работи за најпрактичниот уред, поради малата тастатура и екстремно малиот екран, но ако зборуваме само за иновативноста – тој ги собира сите поени.

Коментирај