Би било тешко за секој што го носи презимето Мусолини да игра фудбал, но може да му биде малку полесно во Лацио.
Фашистичкиот диктатор Бенито Мусолини е еден од најлошите луѓе што некогаш оделе по Земјата, а неговиот правнук Романо Флориани Мусолини реши да се занимава со фудбал.
Сигурно ќе му биде тешко во јавната работа, ќе има предрасуди за него врз основа на делата на човек што никогаш не го сретнал, но тоа е тежината на семејното стебло што ќе треба да ја носи на грб, особено затоа што е многу талентиран и наскоро очекувајте го во дресот на Лацио.
Романо неодамна го прослави 18-тиот роденден и беше префрлен во младиот тим (Примавера), а италијанските медиуми го опишуваат како еден од најдобрите од младинскиот погон.
Правнукот на фашистичкиот диктатор игра на десната страна на теренот, можеби како бек или малку поофанзивно, па ќе видиме дали ќе добие шанса да игра за првиот тим со Симоне Инѕаги ова сезона.
И покрај добро познатото минато на неговото семејство, Романо истакнува дека тој е заинтересиран само за фудбал, а не за политика.
Исто така го интересира и танцување - учествувал во ТВ-шоу со мајка му Алесандра Мусолини, внука на фашистичкиот диктатор „Ил Дуче“.
Интересен е податокот дека навивачите на римски Лацио честопати биле поврзувани со фашистичката идеологија и лудо го обожаваа Паоло Ди Канио кој имаше нескриени афинитети кон Бенито Мусолини.
