Иако сите помислија дека кога на крајот од 5. сезона изгоре пансионот „Преспав“ поради невнимание на Миле заврши и приказната на оваа популарна македонска хумористична серија, денеска беше најавена новата сезона.
„Преспав“ се враќа на малите екрани со својата шеста сезона од 20 декември, секој работен ден во 20:15 часот на МРТ1.
Допрва го очекуваме и првиот тизер, да видиме дали ќе има некој нов лик, па со нетрпение ќе го очекуваме тој 20 декември и првата епизода од новата сезона. Она што се знае е дека две дечиња ќе се појават во серијата, откако продукциската куќа ОХО на крајот од септември објави пријавување за кастинг.
Знаеме и дека некои од ликовите имаат нов стајлинг откако на официјалниот Facebook профил беа објавени фотки од новата сезона.
