Едноставен рецепт за мафини со спанаќ и сирење, одличен предлог за појадок.
Потребни состојки:
-120 г спанаќ
-100 г брашно
-100 г пченкарно брашно
-3 јајца
-2 лажички прашок за пециво
-100 мл масло
-сол по вкус
-160 г фета сирење
-100 мл млеко
-160 г сирење
Начин на подготовка:
Подгответе калапи за 12 мафини, вклучете ја печката да се загрее на 190 степени.
Спанаќот, откако ќе го измиете, исчистите и исушете, исечете го што поситно и измешајте го заедно со сите состојки. Сирењето издробете го.
Со лажица добро измешајте и зачинете по вкус. Со смесата полнете ги калапите и по желба додадете и сусам.
Печете околу 25 минути.
