Работната недела не мора да ја започнувате со комплициран ручек за кој се потребни неколку часа за да се подготви. Комбинацијата од пилешко алфредо и тестенини е прилично едноставна и многу вкусна опција за ручек.
За подготовка на овој ручек ќе ви треба само половина час, а можете да го комбинирате со малку салата.
Иако тестенини, имајте на ум дека ова не е италијански рецепт, туку американски. Може да користите вид на тестенини по ваш избор.
Потребни состојки:
- 2 пилешки стека
- 350 мл млеко
- 350 мл пилешки булјон
- 125 мл крем за готвење
- пакување тестенини
- 150 грама рендан пармезан
- 2 лажици маслиново масло
- 2 чешниња лук
- бибер
- сол
- свеж магдонос
Подготовка:
Загрејте го маслиновото маслото во голема тава и додадете го пилешкото месо, сол и бибер. Пржете го пилешкото околу 10 минути додека не порумени. Оставете го малку на страна да се излади и потоа исечете го на ленти.
Во тавата каде што сте го испржиле пилешкото, додадете млеко, пилешки булјон и лук, а исто така додадете малку сол и бибер. Додадете ги тестенините и варете со постојано мешање, речиси додека не биде ал денте (па пакувањето пишува точно колку минути, во зависнот од тоа кој вид тестенини го употребувате).
На крајот измешајте го кремот за готвење и ренданиот пармезан, додадете го во сосот и варете додека не се згусне. Послужете ги тестенините и одозгора додадете го исечканото пилешко. Ако сакате да го подобрите вкусот на ова јадење, додадете свеж магдонос.
