Предлог што да зготвите за денешниот ручек.
Потребни состојки:
6 парчиња пилешки стек
2 тиквички
6 парчиња пршута
6 парчиња моцарела
Пармезан
1 јајце
Презла
Маслиново масло
2 лажици млеко
Сол и бибер
Начин на подготовка:
Изрендајте ги тиквичките и посолете. Посолете го и месото. На секое парче месо ставете пршута, малку од ренданите тиквички и парче моцарела па замотајте.
Изматете јајце, сол, бибер и додајте млеко. Ставете го месото во изматеното јајце, па во презла. Ставете хартија за печење во тавчето, додајте маслиново масло и ставете го месото во тава.
Секое парче месо прелијте го со маслиново масло. Печете околу 35 минути на 180 степени.
