За денешниот ручек ви предложуваме да подготвите тава со зеленчук по рецептот на Мартина Трајаноска.
Потребни состојки:
(За три порции)
1 тиквичка
2 компира
2 шолји грашок
2 моркови
Павлака, јајце
Начин на подготовка:
Зеленчукот го сечете на коцки и го ставате во тава со 400-500 мл вода да се вари. Откако ќе испари водата проверете дали се сварени морковите и компирите, а доколку не се сварени додадете уште малку вода. Кога целосно ќе испари водата додадете 1-2 лажици масло, зачинете и кратко пропржете го зеленчукот(2-3 минути).
Префрлете го зеленчукот во тава, плех или земјен сад и прелијте го со изматено јајце и павлака(150гр). Печете го околу 15-20 минути (или додека да добие златно- кафеава боја) во загреана рерна на 250 степени. Може да го користите и како главно јадење и како прилог.
