Една од најраспространетите предрасуди е дека убавите жени се глупи. Се смета дека се вообразени и себични. Дали е навистина така?
Како прво, познато е дека „убавината е во окото на набљудувачот”, па убавината на жената е релативна.
Исто така, стручњаците наведуваат дека дотераните жени, кои водат сметка за себе и својот изглед, облекувањето и фризурата, повеќе време посветуваат на надворешноста - па логично е дека немаат време да се занимаваат со други работи. Ова е уште една предрасуда.
Вистината е дека тие само имаат поинакви приоритети, што не укажува на нивната површност или необразованост.
Како што наведува психотерапевтот Дебора Дан, паметните и успешните жени многу често се наоѓаат во лоши љубовни врски. За ова, има напишано книга.
Во нејзината книга "Stupid about Men: 10 Rules for Getting Romance Right”, Дан тврди дека тоа е така затоа што жените се зависни од романтика.
„Романтиката е дрога која ја спречува жената да се соочи со реалните проблеми во животот. Тоа е начин на кој тие го избегнуваат реалниот живот. Нормално е да сакаат заљубеност и романтика, но не по секоја цена”, пипува авторката.
Неразумното однесување е кога жената целосно се „навлекува” на маж кој не е добар за неа.
„Жените сакаат љубовна приказна како од бајките, па во врска влегуваат со нереални очекувања во поглед на бракот или долготрајните врски. Тие сакаат тој маж да ги исцели нивните рани и трауми. Жените израснале со бајки кои го пропагираат токму тој мит, а бајките ги научиле дека моќта на љубовта може да менува”, објаснува Дан.