Заврши третиот ден од 2. коло од новата сезона во Лигата на нации. Ја одбележа пресметката на последните мундијалски финалисти Франција и Хрватска, како и блесокот на Кристијано Роналдо против Шведска.
Група 2
Исланд поведе на гостувањето кај Белгија уште во 10. минута, но сѐ што направи беше само да ги разлути Белгијците кои потоа ја наполнија мрежата на гостите.
Белгија - Исланд 5:1
13' Аксел Вицел, 17', 69' Мичи Батшуаји, 50' Дрис Мертенс, 79' Жереми Доку - 10' Холмберт Арон Фридјонсон
Тврд натпревар без многу конкретни шанси одиграа репрезентациите на Данска и Англија кои на крајот ги поделија бодовите без да се затресат мрежите.
Данска - Англија 0:0
Табела:
- Белгија 6 7:1
- Англија 4 1:0
- Данска 1 0:2
- Исланд 0 1:6
Група 3
Репризата на финалето од Мундијалот во 2018 заврши со истиот резултат како и тој натпревар во Москва, но со различни стрелци. Хрватска поведе преку Ловрен, а потоа Гризман и автоголот на голманот Ливаковиќ донесоа пресврт за Французите во последните минути од првиот дел. Десет минути по паузата Брекало израмни на 2:2, но потоа Упамекано и Жиру со два гола донесоа победа за Французите.
Франција - Хрватска 4:2
43' Антоан Гризман, 45'+1 (аг) Доминик Ливаковиќ, 65' Дајот Упамекано, 77' Оливје Жиру - 17' Дејан Ловрен, 55' Јосип Брекало
Нов пораз на домашен терен за Шведска. Овој пат трите бода ги однесе актуелниот бранител на титулата, Португалија, и тоа со двата гола на Роналдо. Првиот од слободен удар откако Густав Свенсон направи фаул за втор жолт и исклучување, а вториот прекрасен лоб удар од работ на шестнаесетникот.
Шведска - Португалија 0:2
45'+1, 72' Кристијано Роналдо
Табела:
- Португалија 6 6:1
- Франција 6 5:2
- Шведска 0 0:3
- Хрватска 0 3:8
Група 1
Нов домашен пораз за Кипраните. Откако потклекнаа пред Црна Гора во 1. коло, сега загубија и од Азербејџан кој, пак, го поправи впечатокот по поразот дома од Луксембург.
Кипар - Азербејџан 0:1
29' Максим Медведев
Црногорците се мачеа на гостувањето кај Луксембург кој ја контролираше играта, но на крајот загуби. Пенал во судиското надополнување им ги донесе трите бода на гостите кои по две кола имаат максимален скор.
Луксембург - Црна Гора 0:1
90'+3 (пен) Фатос Беќирај
Табела:
- Црна Гора 6 3:0
- Луксембург 3 2:2
- Азербејџан 3 2:2
- Кипар 0 0:3
Група 2
Ерменците ја оправдаа улогата на фаворит со Естонија и со по еден гол во двете полувремиња за запишаа првата победа откако во 1. коло загубија во Скопје.
Ерменија - Естонија 2:0
43' Александр Карапетјан, 65' Вбејмар
Грузија и Македонија ги поделија бодовите играјќи 1:1 во Тбилиси.
Грузија - Македонија 1:1
13' (пен) Торнике Окријашвили - 33' Стефан Ристовски
Табела:
- Македонија 4 3:2
- Грузија 4 2:1
- Ерменија 3 3:2
- Естонија 0 0:3
Група 2
Дербито на дното се играше во Сан Марино каде домашната репрезентација гаеше надеж дека против Лихтенштајн ќе успее да освои некој бод или барем да се израдува на гол. Но, уште во 2. минута Лука Чекароли направи фаул за пенал и гостите поведоа, а потоа и го дуплираа водството. Ако е за утеха, Сан Марино успеа дури двапати да шутне во рамките на голот, а имаше и уште 3 непрецизни удари, нешто што најслабата европска репрезентација ретко го прави.
Сан Марино - Лихтенштајн 0:2
3' (пен) Николас Хаслер, 14' Јаник Фрик
Табела:
- Лихтенштајн 3 2:0
- Гибралтар 3 1:0
- Сан Марино 0 0:3