Прејадувањето е едно од најчестите нарушувања во исхраната, а многумина не се ни свесни дека го имаат.
„Се проценува дека до три пати е почесто од анорексијата, а некои докази сугерираат дека бројот на случаи се зголемува“, вели универзитетскиот професор Пол Џенкинс за Conversation.
Сепак, и покрај тоа што е честа појава, многу луѓе не се свесни дека оваа состојбата всушност постои. Многу луѓе со нарушување во исхраната не сфаќаат дека имаат проблеми со прејадувањето.
Некои од знаците кои укажуваат на ова нарушување во исхраната:
- јадење додека не се почувствувате непријатно сити
-јадење големи количини на храна, дури и кога не сте гладни
- јадење храна побрзо од вообичаеното
- чувство на гадење, лошо расположение или чувство на вина по јадење
Со соодветна поддршка, можно е да се препознае ова нарушување, пред да се развијат сериозни проблеми. Важно е да го препознаете навреме, бидејќи може да доведе до бројни здравствени проблеми, како што се дебелина, дијабетес тип 2 и висок холестерол.
Нарушувањето со прејадување може да има големо влијание врз секојдневниот живот на една личност, при што се пријавени послаби училишни резултати и пониски стапки на вработеност.
На повеќето луѓе ќе им се препорачаат психолошки третмани, како што е когнитивната терапија која може да им помогне да ги разберат факторите кои го поттикнуваат нивното прекумерно јадење, а исто така може да им помогне да научат поздрави навики во исхраната.
Третманот со лекови, како што се антидепресивите, се покажа како корисен, но овие лекови носат ризик од негативни ефекти како што се главоболка, несоница, гадење и замор, и во просек се помалку ефикасни од психолошката терапија.
Друг клучен елемент во закрепнувањето на нарушувањата во исхраната е лицето да научи како да го промени својот однос со храната.
На луѓето со вакво нарушување во исхраната им е потешко да ги регулираат емоциите, што може да доведе до маѓепсан кругови на лошо расположение и прејадување.
Знаци дека можеби развивате нарушување може да вклучуваат промени во однесувањето во исхраната, како што се купување големи количини на храна или јадење дури и кога не сте гладни.
Прејадувањето не е пријатно искуство, а луѓето често се чувствуваат исплашени, засрамени или виновни поради нивните симптоми, што отежнува отворено да се зборува за овие искуства.
Ако мислите дека имате проблем со прејадување, разговарајте со вашиот матичен доктор што е можно побрзо за навреме да ве упати на специјалист.