Стресот, недостатокот на сон и исхраната се главните фактори кои го зголемуваат нивото на шеќер во крвта. Особено треба да избегнувате одредени прехранбени допдатоци за да го спречите овој здравствен проблем.
„Како и повеќето прехранбени производи, навидум обичните зачини можат да содржат голема количина шеќер. Поради оваа причина, важно е секогаш да го читате составот. Ако видите дека производот содржи сируп, декстроза или меласа, не го купувајте“, вели нутриционистката Лора Бурак за списанието Eat This, Not That.
Значи, прехранбените додатоци што треба да ги избегнувате се:
„Повеќето кечапи достапни на пазарот содржат додаден шеќер, обично во форма на сируп од пченка со висока фруктоза“, објасни Бурак.
Познато е дека консумирањето сируп од пченка доведува до дебелина, отпорност на инсулин и дијабетес.
„Значи, бидете свесни за изворите на шеќер и задолжително проверете колку грама шеќер има во кечапот што планирате да го купите“, додаде таа.
Обрнете внимание бидејќи производителите често додаваат шеќер во сенфот за да го подобрат неговиот вкус. Во последно време сѐ попопуларен е шеќерот со сенф, но не е особено добар ниту за здравјето.
„Можеби мислите дека сенфот со мед е поздрав, но тоа е далеку од вистината. Медот е само 'изговор' за додавање уште повеќе шеќер во производот“, вели таа.
Сите видови преливи за салата што можете да ги најдете во супермаркетите се нездрави бидејќи ја намалуваат хранливата вредност на здравиот оброк. Нутриционистката смета дека најдобрата опција е преливот да го направите сами бидејќи само така ќе се уверите дека не содржи многу шеќер.
Освен шеќер, овој сос содржи и адитиви како пченкарен скроб и пченкарен сируп со висока содржина на фруктоза, кои, секако, негативно влијаат на нивото на шеќер во крвта.
