Театарот „Old Vic“ објави дека тие тие примиле 20 обвиненија против Кевин Спејси, кои го обвинуваат актерот за сексуално вознемирување додека тој работел таму.
Истрагата која ја изврши театарот „Old Vic“ од Лондон, по првичните обвиненија над Кевин Спејси, резултираше со пронаоѓање на 20 обвиненија за сексуално вознемирување и недолично однесување од актерот, додека тој работел таму како уметнички директор.
Обвиненијата се протегаат низ период од неколку години, а последното забележно е во 2013 година. Во голем дел од случаите се работи за млади момчиња кои работеле во театарот како актери или како дел од помошниците зад сцената.
„И покрај постоењето на овие обвиненија, оние кои се чувствуваат како жртви се одлучиле да не одат до крај во процесот против Кевин Спејси затоа што не мислеле дека можат да излезат како победници од ситуацијата. Однесувањето е неприфатливо и театарот се извинува што не им овозможил вистинска атмосфера на своите вработени да можат да се чувствуваат сигурно и самоуверено во една ваква постапка“, стоеше во официјалната изјава на „Old Vic“.
Вработените во „Old Vic“ тврдат дека одамна постоела „култ на личноста“ на Кевин Спејси и сите кои работеле таму мислеле дека тој е недопирлив, па затоа не сакале да му се спротивстават.