Правилото секако важи за сите граѓани кои не се од Шенген зоната, односно за Американците и оние на кои им е потребна виза за влез во земјата и кои сакаат да се преселат шест месеци.
Бидејќи поголемиот дел од светот во моментов работи под одредени ограничувања поради пандемијата, владите бараат начини да ги надоместат загубите. Земји како Бермудските Остроови, Барбадос и Кајманските Острови им дадоа шанса на приватните претприемачи кои сакаат да се преселат на краток рок да работат „од дома“ од нивните рајски локации.
Исланд исто така се приклучи во ова друштво, но со една голема разлика. За Бермудските Острови се бара само да плати административна такса за средувањето документи во вредност од околу 200 евра за краткорочно преселување, додека „Земјата на огнот и мразот“ инсистира на доказ дека заработувате повеќе од милион исландски круни месечно, или повеќе од 6.000 евра.
Ова правило, се разбира, важи за сите граѓани кои не се од Шенген зоната, односно за Американците и за сите оние на кои инаку им е потребна виза за влез во земјата и кои сакаат да се преселат во период од шест месеци.
„Исланд сака да привлече богати граѓани, односно професионалци од високо платени позиции како што се оние од Силициумската долина во Америка, кои би ги потрошиле своите пари на Исланд“, објасни за Bloomberg политичарката Аста Гундрун Хелгадотир.
Идејата е да се изнајмат куќи кои вообичаено се изнајмуваат преку Airnbnb, и кои „зјаат празни“ од почетокот на пандемијата на коронавирус, и да се трошат пари во локалните продавници и ресторани. Пред сè, желбата е да се зголеми потрошувачката во земјата, но да се намали можноста нови привремени жители да ги загрозуваат локалните работни места.
Треба да се има на ум дека Исланд отсекогаш била дестинација за патниците со длабок џеб - на пример, ќе платите околу 2,5 евра за леб и 7,5 евра за половина литар домашно пиво. И покрај тоа, имаше постојан прилив на заинтересирани туристи. Во 2018 година го посетиле 2,3 милиони луѓе, што е приближно седум пати повеќе од целото население на Исланд.