Фудбал

Премиер лига: Триумф на Ливерпул над Норвич

16. февруари 2020 - 9:51 | Кајгана/МИА

Фудбалерите на Ливерпул вчера потешко од очекувањата стигнаа до 25-та победа во сезоната во Премиер лигата. Како суверено доминантни во англиската сцена и како лидери на табелата, „Црвените“ со само гол ги понесоа трите бода од тревникот на „Фенерџијата“.

Конечни 1:0 против Норич за 17-ти триумф во низа. Стрелец на единствениот погодок на „Кероу Роуд“ беше Садио Мане во 78-та минута.

Во наредното коло, Ливерпул ќе биде домаќин на Вест Хем додека Норич ќе игра кај Вулверхемптон.

Премиер лигата денеска нуди два меча. Од 15 часот во Бирмингам, Астон Вила ќе игра со Тотенхем, а од 17.30 часот, Арсенал ќе го дочека Њукасл. Рундата ја затвораат Челси и Манчестер Јунајтед утре од 21 часот. 

Коментирај