Англиската Премиер лига експресно го казни менаџерот на актуелниот лидер Ливерпул, Арне Слот.
Холанѓанецот синоќа доби црвен картон по завршувањето на Мерсисајд дербито со Евертон, а попладнево дозна дека нема да може да го води тимот во наредните 2 натпревара.
Судијата на натпреварот, Мајкл Оливер, му покажа црвен картон на Слот поради „агресивен, навредлив и погрден јазик“.
Слот ќе ги пропушти натпреварите против Вулверхемптон и Астон Вила.
Ова беше второ исклучување за Слот сезонава, тој исто така доби црвен картон против Фулам. Тогаш беше суспендиран на 1 натпревар.
Инаку, синоќа заедно со Слот исклучен беше и неговиот помошник Сипке Хулсхоф.
