Англиската Премиер лига се најдоа во центарот на најголемата операција со пиратерија во светот, откако денеска беше објавено дека натпреварите од оваа лига биле нелегално емитувани на телевизија во Саудиска Арабија, во рамки на целата земја.
Стриминг платформата BeoutQ се роди по дипломатските проблеми на Блискиот Исток, каде неколку земји ја прекинаа соработката со Катар поради наводната поддршка која оваа земја ја дава на тероризмот. Правата за пренос на Премиер лигата во тој регион ги има катарската телевизија BeIN Sports, а BeoutQ ги краде сигналот од неа.
Откако беше основана минатата година, платформата BeoutQ порасна во десет различни канали кои вршат пренос преку ArabSAT сателитот и поставуваат приемници кои се достапни ширум Саудиска Арабија.
Пиратирањето на натпреварите од Светското првенство годинава ја натераа ФИФА да се приклучи кон јавното осудување на BeoutQ, а истото го направија и голем број од светските фудбалски асоцијации, кои бараа оваа платформа или државата да претрпи санкции поради пиратеријата која ја промовираат.
„Политичките игри кои ги играат ArabSAT, BeoutQ и Саудијците кои стојат зад нив ја крадат нашата содржина и со тоа се раѓаат последици кои влијаат на иднината на светскиот фудбал, не само на BeIN Sports“, изјави Том Кивени, менаџер на BeIN Media Group.
Во скандалот со пиратерија се вмешани и натпреварите од француската Лига 1, кои исто така се пренесуваат на BeoutQ. Раководството на лигата има намера да го претстави случајот пред Европската комисија, која подоцна би требало да интервенира за потенцијални санкции за Саудиска Арабија и BeoutQ. Претставниците на BeIN Media Group ја нарекоа оваа ситуација „најголемиот скандал со пиратерија во светот“.
Само да потсетиме, англиската Премиер лига има најскапи права за пренос на натпреварите од сите лиги во светот. За трите сезони почнувајќи од 2019 па до 2022 година, телевизиските мрежи Sky и BT Sport платија 4,46 милијарди фунти, а потоа преку нив оди откупот на права за сите земји во светот.
