По стандардната верзија Škoda ја редизајнираше и најмоќната, RS верзија на Octavia. Спортската верзија ја доби редизајнираната маска со новите адаптивни LED светла кои сега се поделени во две визуелно раздвоени целини.
Во споредба со претходната RS изведба, RS верзијата е спуштена за дополнителни 15 милиметри, а купувачите на располагање имаат голем избор на алуминиумски тркала со дијаметар од 17 до 19 инчи.
Основната верзија на Octavia RS ќе има 2.0 литарски TSI бензински мотор со 230 коњски сили, додека максималниот вртежен момент изнесува 350Nm. Тоа му овозможува на автомобилот да стигне од 0 до 100 километри на час за само 6,7 секунди, а максималната брзина е електронски ограничена на 250 километри на час.
Очекувањата се дека Škoda во блиска иднина ќе понуди уште посилна верзија со моторот од 245 коњски сили што се вградува во Golf GTI Performance.
Моделот ќе биде достапен и во 2.0 TDI изведба со 184 коњски сили и 380Nm максимален вртежен момент. Дизелскиот модел до „стотка“ ќе забрзува з 7,9 секунди, а максималната брзина е 232 километри на час.
Како и до сега, Škoda Octavia RS ќе биде достапна во седан и караван верзија, а на располагање ќе го има 6-брзинскиот мануелен или пак автоматскиот DSG менувач со двојна спојка. Дизелската верзија со DSG менувач ќе има опција и за погон на сите четири тркала.
