Премиерот Зоран Заев денеска на својот Facebook профил објави дека го добил резултатот од тестот за COVID-19 и дека тој е негативен.
– Многу е важно сите до еден да го чуваме сопственото здравје и здравјето на сите други околу нас. Со целосно почитување на мерките и препораките секој од нас може да даде придонес за јавното здравје.
Да носиме заштитни маски, да држиме физичка дистанца, да ги избегнуваме големите групни настани и на тој начин заеднички ќе ја добиеме битката со COVID-19, порача Заев на Facebook.
Синоќа, министерот за внатрешни работи Оливер Спасовски на Facebook профилот објави дека е позитивен, по што премиерот Заев најави дека ќе се тестира, иако, како што рече, немал директни контакти со него, и оти тие што ги остварил биле со почитување на сите заштитни мерки.
