Според резултатите од истражување спроведено на Универзитетот во Толедо, Охајо премногу играчки достапни на детето можат да го кочат неговиот развој.
Во склоп на истражувањето на деца помлади од три години им биле дадени или 4 или 16 играчки, а потоа биле набљудувани нивните навики. Децата кои имале помалку играчки подолго време си играле со една играчка. Поради тоа биле повеќе фокусирани и покреативни.
Заклучокот на научниците е дека помалку играчки е подобро за развојот на детето. Тоа секако не значи дека треба помалку да купувате или да им забраните на децата да си играат, туку почесто да ги менувате. Експертите велат дека на децата им се потребни промени, односно дека различни видови играчки различно влијаат на детето.
„Чувајте ги играчките подалеку од видното поле на детето и редовно менувајте ги. Цело време ќе се чувствува како да е празник и ќе го доживува тоа како постојано да добива нови играчки. Нека му бидат на располагање помалку играчки, а повеќето сместете ги на друго место“, советуваат експертите.
Нивниот совет до родителите е да купуваат играчки кои траат по неколку години и ги поттикнуваат креативноста, фантазијата и развојот на децата.