Во средината на сезоната се чинеше дека Лос Анџелес Лејкерс ќе го пропушти плеј-офот, но во последно време игра одлично и сега дури се бори за шестото место кое води директно во плеј-офот.
Лејкерс ја победија Минесота на гостински терен со 123:111 и дојдоа до позитивен рекорд на победи и порази (39-38) со кој дури влегоа во трката за шестото место кое води директно во плеј-офот.
За потсетување, екипите од првото до шестото место директно одат во плеј-оф, додека екипите од седмото до десеттото место преку плеј-ин се борат за последните две места во плеј-офот.
Херој на Лејкерс беше Ентони Дејвис кој натпреварот го заврши со 38 поени и 17 скока, додека Леброн Џејмс додаде 18 поени, 10 скока и 6 асистенции.
Денвер без Никола Јокиќ киксна на Западот. Загуби од Феникс на гостински терен со 100:93 и сега има само две победи повеќе од второпласираниот Мемфис кој го совлада Лос Анџелес Клиперс со 108:94.
До крајот на натпреварувањето остануваат уште пет кола и многу лесно може да се случи Денвер да го испушти првото место доколку продолжи со порази.
Резултати:
Шарлот Хорнетс - Чикаго Булс 91:121
Индијана Пејсерс - Оклахома Сити Тандер 121:117
Филаделфија 76ерс - Торонто Репторс 117:110
Вашингтон Визардс - Орландо Меџик 109:116
Бостон Селтикс - Јута Џез 122:114
Бруклин Нетс - Атланта Хокс 124:107
Кливленд Кавалирс - Њујорк Никс 116:130
Хјустон Рокитс - Детроит Пистонс 121:115
Мемфис Гризлис - Лос Анџелес Клиперс 108:94
Минесота Тимбервулвс - Лос Анџелес Лејкерс 111:123
Голден Стејт Вориорс - Сан Антонио Спарс 130:115
Портланд Треил Блејзерс - Сакраменто Кингс 114:138
Феникс Санс - Денвер Нагетс 100:93
Табела:
