Неодамнешно истражување покажа дека во сончевиот систем HR 6819 сепак нема црна дупка како што претходно беше сензационално објавено.
Вселенското тело оддалечено 1.120 светлосни години од Земјата кое беше етикетирано како најблиска црна дупка до нас сепак воопшто не е црна дупка.
Системот се состои од премногу вжештено сонце наречено Be кое има брзина на ротација од околу 200 километри во секунда и кое испушта водороден гас кој формира диск околу него.
Претходно беше откриено дека сонцето Be е придружено од друго, помало сонце наречено B3 III кое има орбита од околу 40 денови. Двете сонца делуваа како да орбитираат околу трет невидлив објект за кој единственото логично објаснување беше дека е црна дупка.
Темелното истражување покажа дека сепак сонцето B3 III е со далеку помала маса и затоа е повлечено од сонцето Be, иако се слични по големина.
„Тоа покажува дека HR 6819 е бинарен систем кој се состои од масивно сонце Be и негов полесен придружник кој е остаток од некогашна многу поголема ѕвезда“, стои во објаснувањето на астрономите Даглас Гиз и Лукјан Ван од Џорџија Унивезтитетот.
Со други зборови, сонцето Be привлекло дел од масата исфрлена од B3 III.
Нивното истражување се поклопува и со она на научниците од Ловен универзитетот во Белгија кои исто така докажаа дека се работи за две сонца со различна маса. Според Белгијците, сонцето B3 III има маса од 0,4 соларна маса, додека Be има дури 6.
Овие најнови резлтати треба да стават крај на дилемата која трае три децении околу чудниот сончев ситем HR 6819 кој изгледаше како да содржи црна дупка.
