Претпладне во централните и источните делови сончево со мала до умерена облачност, во останатите делови облачно. Попладне почнувајќи од југозапад со врнежи од дожд, кои поинтензивни ќе бидат во текот на ноќта. Ќе дува слаб до умерен ветер од југоисточен правец.
Утринските температури ќе се движат од -2 до 4 Целзиусови степени, додека дневната ќе биде во интервал од 4 до 14 Целзиусови степени.
Во Скопје и околината слично време со дневна температура до 14 степени.
До понеделник под влијание на нов влажен бран повторно ќе има врнежи од дожд, кои на повеќе места се очекува да бидат обилни и да надминат 35 л/м2. Врнежи ќе има и во понеделник, но тие ќе бидат со послаб интензитет. Од вторник утрата ќе бидат посвежи со минимални температури околу нулата.
