Претседателклста на Република Северна Македонија, Гордана Силјановска-Давкова, преку социјалните мрежи упати честитки до Доналд Трамп, кој победи на изборите на 47-ми претседател на САД.
„Срдечни честитки по повод изборот на Доналд Трамп за Претседател на Соединетите Американски Држави и многу успех во извршувањето на одговорната функција.
Македонија како докажан пријател и партнер на САД ќе продолжи да ги поддржува американските и глобалните напори за мир, стабилност и безбедност, втемелени на потребата за правда, почитување на меѓународното право, на слободата и човечкото достоинство во светот.
Уверена сум дека во периодот што следи нашето стратешко партнерство ќе биде унапредено и збогатено и дека САД ќе помогнат во исполнувањето на македонските стратешки цели“.
Исто како и премиерот Мицкоски, претседателката честитката ја упати на македонски јазик, но за разлика од него не го тагна Трамп.
