Џани Инфантино е веќе во изолација откако доби позитивен тест на коронавирусот, извести светската куќа на фудбалот.
„Претседателот на ФИФА, кој пријави благи симптоми, веднаш се стави во самоизолација и ќе остане во карантин барем 10 дена. Сите луѓе кои имале контакт со претседателот за време на изминативе неколку дена се известени и им е кажано да ги преземат потребните мерки“, стои во соопштението на ФИФА испратено до медиумите на пет различни јазици.
Џовани Инфантино застана на чело на ФИФА во февруари 2016 година по низата скандали кои ја потресоа светската куќа на фудбалот. Претходно работеше во УЕФА уште од 2000 година. Роден е во Швајцарија како син на италијански имигранти.