Претседателот на фудбалскиот сојуз на Италија Карло Тавекио денес си поднесе оставка, пренесуваат италијанските медиуми.
SportItalia, Premium Sport и Tuttomerceto, беа меѓу првите медиуми кои објавија дека Тавекио си поднел оставка и дека останува уште само тоа официјално со свое соопштение да го потврди и самиот фудбалски сојуз.
Тавекио беше ставен под огромен притисок после катастрофата на Италија откако не успеа преку баражот со Шведска да се пласира на Светското првенство во Русија.
Неколку дена се водеа дискусии, тој наводно не попушташе, но на крај се откажа и сепак си поднесе оставка.
Претходно 74 – годишниот Тавекио во јавноста зборуваше за тоа кој би можел да го замени отпуштениот селектор на клупата на „Азурите“ Вентура, но се чини дека тој нема да биде оној кој ќе ни го соопшти името на новиот предводник на репрезентацијата на Италија.
