Перуанскиот претседател сакајќи да биде пример за своите граѓани и да ја поддржи кампањата за вакцинација против коронавирусот, во живо ја прими кинеската вакција.
Франсиско Сагасти својот прв мандат како претседател на оваа јужноамериканска република го почна на 17 ноември 2020 година. Сега, како една од должностите пред својот народ, се задолжи и да даде пример за јавното здравје.
Тој во болницата „Сентрал Милитар“ во централниот дел на главниот град Лима, во директен ТВ пренос, ја прими првата доза од кинеската вакцина против COVID-19 на Sinopharm.
„Вакцините се здрави, сигурни и спасуваат животи“, изјави претседателот Сагасти.
Вакцината ја примија и вработени во болницата, а досега 3.449 медицински лица во 40 болници и амбиланти низ Перу се имаат вакцинирано со првата доза.
„Како медицинско лице сум многу горда што имам чест да бидам една од првите кои ја примија вакцината. На овој начин ќе бидам заштитена и подготвена да ги заштитувам останатите во нашиот Перу, бидејќи вакцините веќе со децении го штитат човештвото и спасуваат животи“, вели д-р Лис Гомес Киспе.
