Претседателот на Танзанија, Џон Магуфули, вели дека на неговата земја не ѝ треба карантин затоа што Господ ги штити од коронавирусот, а решенија се домашните „лекови“ како што е вдишување водена пареа и се поефикасни од вакцините.
„Вакцините не се добри. Ако беа добри, тогаш белецот ќе направеше вакцина за ХИВ/СИДА, рече Магуфули во говор во западниот дел на земјата.
Во Танзанија, земја со околу 58 милиони жители, од почетокот на пандемијата официјално има 509 лица заразени со коронавирусот и 21 смртен случај.
Соседна Кенија, која има 47,6 милиони жители, има 100.000 заразени и 1.700 мртви.
„Ние не се заклучивме и не очекуваме да го сториме тоа. Не мислам дека некој ќе прогласи општ карантин затоа што нашиот Бог е жив и тој ќе продолжи да нè штити, рече Магуфули на свечено отворање на нова фарма во неговиот роден град во областа Чато.
„Исто така, ние ќе продолжиме да преземаме превентивни мерки, вклучително и вдишување пареа. Вдишувајте додека се молите на Бога, молете сè додека одгледувате пченка, компир, за да можете да јадете добро и коронавирусот да не може да влезе во вашето тело. Многумина ќе ве исплашат, но мора цврсто да истраете, додаде тој, обраќајми му се на народот
Магуфули минатата година се сомневаше во веродостојноста на странските тестови на коронавирус, па нареди наместо луѓе тајно да се тестираат животни и овошје. Откако резултатите испаднаа позитивни, тој ги прогласи за технички неисправни.
Неговата влада беше критикувана од меѓународната заедница бидејќи криеше податоци за заразените, а Магуфули објави дека на коронавирус позитивни биле папаја, кози и овци.
