Фосилот бил пронајден благодарение на полициска акција при која меѓу запленетите предмети од нелегална трговија во Бразил бил и овој неверојатен фосил.
Меѓу 3.000 разни примероци на фосилни остатоци, полицијата, додека ја истражувала нелегалната трговија со фосили, во 2013 година ги пронашла зачуваните остатоци од птеросаурусот Tupandactylus navigans.
Кога била направена проценка на фосилите, палеонтологот од Универзитетот во Саун Пауло, Виктор Бекари и неговите колеги сфатиле дека пред себе го имаат најкомплетниот фосил од овој вид дотогаш откриен, пренесува Science Alert.
Кога ги составиле остатоците долги речиси два метра, кои претходно биле исечени за полесен транспорт - за полесно да се сокријат, останале вчудоневидени. Добиле фосил на Tapejaridae (група на птеросауруси со крст) во речиси природна големина.
Анализите и истражувањата траеле со години. КТ скенот помогнал да се откријат неверојатни детали за украсите на главата на животното, чија големина е речиси половина од големината на неговото тело.
Птеросаурусите се релативно ретки во фосилните записи, бидејќи имаат кревки, шупливи коски кои им овозможувале да летаат. Пред овој пронајдок биле пронајдени само фрагменти од глави.
Отсуството на животни што живеат на дното на езерото каде што бил закопан фосилот, во денешната формација Крато (Бразил), сугерира дека недостатокот на кислород придонесол за извонредно зачувување на меката декорација на ткивото на главата и клунот.
Т. navigans имал необичен грб кој се спуштал сѐ до горната вилица, што може да се види на прекрасната палео-уметност.
„Овој птеросаурус имал распон на крилјата над 2,5 метри и бил висок 1 метар (вклучувајќи го и грбот). Со толку висок украс на главата и релативно долгиот врат, ова животно можеби било ограничено на кратки летови“, вели Бекари за CNN.
Пред околу 115 милиони години, овие древни диносауруси можеби ја користеле својата способност да летаат за да избегаат од предатори преку небото над денешниот Северен Бразил, објаснува тимот. Нивниот лет бил поддржан од коска наречена нотариум.
Оваа коска е зглоб на првите торакални пршлени што ја зголемува отпорноста на виткање и напрегање на торзото предизвикано од размавтување на крилјата; присуството на нотариум потврдува дека птеросаурусот навистина бил способен да лета.
Споредувајќи го фосилот со претходно пронајдените остатоци, тимот се сомнева дека некои од разликите може да се должат на целосен диморфизам (каде припадниците на ист вид се разликуваат според пол) отколку постоењето на два различни вида како што претходно се мислеше.
Сепак, ова бара дополнителни истражувања за да може да се потврди.
„Како и пауните, овие птици веројатно времето го поминувале јадејќи овошје од земја или користејќи го долгиот врат за да дофатат храна од повисоките грмушки“, додава научникот.
Нелегалниот извоз на фосили како овој претставува голем проблем за Бразил. За среќа, полицијата го пронајде овој фосил пред да исчезне во светот на приватните колекционери. Така, научниците успеаја да го испитаат и да го споделат со светот ова древно чудо.