Xiaomi го претстави својот најнов смартфон – Xiaomi Mi 11.
Xiaomi Mi 11 пристигнува со 6,81-инчен AMOLED екран, со QHD+ резолуција и 120 Hz освежување на екранот. Предниот панел го штити Gorilla Glass Victus.
Смартфонот пристигнува како прв модел со Qualcomm Snapdragon 888 процесор. Има 8 GB RAM и 128 GB или 256 GB меморија.
Главната камера има 108 MP, ултрашироката камера има 13 MP и 5 MP макро сензор.
Новиот смартфон пристигнува со батерија од 4.600 mAh која поддржува брзо полнење од 55W. Oфицијално, доаѓа без полнач во пакувањето.
Продажбата ќе започне од 1 јануари. Xiaomi ќе биде достапен во 6 бои – црна, бела, сина, Khaki Vegan Leather, Purple Leather и Special Edition.
Засега не се познати цените за глобалниот пазар, но во Кина ќе чини околу 610 долари.