МРТ синоќа во специјална емисија ги претстави шесте нумери од кои ќе биде одбран претставникот на Македонија за овогодишниот Евросонг.
Годинава музичките претставници од Стариот континент ќе се соберат во Торино откако лани победи Италија. За тоа кој да ја претставува Македонија ќе се борат Ris Flower, Кали, Yon Idy, Лара, Виктор и Андреа.
Може да гласа секој и тоа онлајн на следниов линк, но само еднаш. Онлајн гласањето во конечниот резултат ќе учестува половично, бидејќи другата половина гласовија ќе ја даде меѓународно стручно жири. Гласовите од онлајн гласањето и гласовите на стручното жири ќе бидат претворени во поени, според евровизискиот принцип на гласање (50-50). Во случај на изедначен број на поени, тогаш предност ќе има нумерата која добила повеќе гласови од стручното жири.
Ris Flower – „Flying to Berlin“
Kaly – „Love and Light“
Lara – „Flower of Sorrow“
Yon Idy – „Dreams“
Andrea – „Circles“
Viktor Apostolovski – „Superman“
Онлајн гласањето се отвори синоќа и ќе трае до 4 февруари, односно ќе трае 7 дена.
