Војвотката од Сасекс Меган Маркл ги изненади медиумите кога пред неколку дена се појави во Њујорк.
По многу шпекулации за целта на нејзиното патување, Меган откри дека нејзините американски пријатели ѝ организирале забава за дарување пред раѓањето на нејзиното бебе. Таа во Британија се врати со приватен лет што ѝ го плати Амал Клуни.
Меган патуваше со приватен авион од 43 милиони долари што го изнајмија Џорџ и Амал Клуни, кои на овој начин сакале да ја почестат нивната блиска пријателка.
Забавата за Меган ги чинела нејзините пријатели половина милион долари. Друштвото на поранешната американска актерка која се откажа од кариерата за да се омажи за британскиот принц Хари, се забавуваше во луксузна хотелска соба каде едно ноќевање чини 75.000 долари.
Забавата ја организираа тенисерката Серена Вилијамс и стилистката Џесика Малрони, едни од најблиските пријателки на Меган.
Меган е бремена со првото бебе и треба да се породи напролет. Кенсингтонската палата ја објави официјалната вест за нејзината бременост во октомври, 2018 година.