Хорор филмот „Terrifier 2“, поради кој гледачите во кино повраќаат и паѓаат во несвест, сега е предложен за Оскар.
Компанијата Bloody Disgusting, која го продуцираше, објави соопштени во кое објасни дека контроверзниот филм е испратен на разгледување за престижната награда.
„Филмот кој предизвикува најмногу повраќање по The Exorcist, со најшокантни ефекти по An American Werewolf in London, доаѓа на доделувањето на Оскарите“, стои во соопштението.
Се надеваат дека членовите на Академијата ќе обрнат внимание на овој хорор филм, со оглед на тоа дека никој од нив не би гледал ваков филм, се шегуваат од Bloody Disgusting.
„Помислата дека членовите на Академијата ќе издржат ваков екстремен хорор филм, кој инаку би ги сметале за недостоен за самите да го изгледаат? Тоа е едноставно премногу смешна прилика за да се пропушти“, сметаат тие.
„Terrifier 2“ неодамна беше прикажан во САД и заработи 91% позитивни оценки на Rotten Tomatoes. Fилмот доби и позитивни критики, а според многумина веројатно e најкрвавиот, најлудиот, најбруталниот хорор филм на годината.
