Приказната за Џеф Безос: Како се стигнува од фирма во гаража до историја?

Џеф Безос - име чиј подем се следи со години и е „тешко“ 193 милијарди долари, повторно е во центарот на вниманието.

Сега, сепак, од малку поинаква причина. Имено, Безос ја напушти позицијата прв човек на Amazon, а неговата нова позиција ќе биде функцијата извршен претседател на одборот на директори на таа компанија.

Во писмото до работниците во Amazon, Безос најави дека во иднина ќе се фокусира на „нови производи и рани иницијативи“.

„Да се ​​биде извршен директор на Amazon е голема одговорност и многу е тешко. Кога имате таква одговорност, тешко е да се фокусирате на што било друго. Никогаш не сум имал повеќе енергија и ова не е пензионирање“, порача тој.

Ајде сега да се вратиме малку назад. Кои беа почетоците на најпознатиот и најбогатиот бизнисмен во светот?

Како што обично се случува со богатите, Безос го започна своето патување во гаража, во 1994 година.

Таа година, Безос прочитал дека интернетот има раст од дури 2.300 проценти за една година. Бројката го зачудила и одлучил дека мора да најде начин да го искористи ова. Направил список со 20 производи што може да ги продава преку интернет и одлучи дека книгите се најдобрата опција.

На почетокот, ѕвончето во канцеларијата ѕвонело секојпат кога некој ќе купел нешто на страницата, а потоа сите се собирале да видат дали некој го познава клиентот. Само неколку недели подоцна, ѕвончето ѕвонело толку често што морале да го исклучат.

Во текот на првиот месец, Amazon продавал книги на луѓе од сите 50 држави во САД и од 45 други земји. И тоа продолжи да расте: компанијата се најде на берзата на 15.05.1997 година.

Подоцна, Amazon прерасна во компанија која продава не само книги, туку и сè што може да ви падне на ум.

На почетокот, според Business Insider, Безос бил шеф кој барал многу и знаел да „експлодира“ пред вработените. Се вели дека тој тогаш ангажирал „тренер за лидерство“ кој му помогнал да ја спушти топката.

Сепак, се поставува прашањето каде би бил сега ако неговата мајка и очув не се вклучеле во приказната во 1995 година.

Имено, Џеки и Мигел Безос тогаш инвестирале во компанијата, односно на својот син му „позајмиле“ 245.000 американски долари. Денес не е познато дали тие имаат удели во компанијата, но Bloomberg процени пред две години дека, ако имаа, парот денеска ќе „тежеше“ 30 милијарди долари.

„Сакам да знаете колку е ризично“, им рекол тогаш Безос на родителите, „Затоа што сакам да дојдам на вечера за Денот на благодарноста и не сакам да ми се лутите“.

Останатото, би се рекло, е историја.

Однос кон работниците

И за време на пандемијата, Amazon беше една од главните теми. Всушност, е-трговијата воопшто. Безос на тој начин ги сруши сите рекорди и во август стана првиот човек во историјата чие богатство надмина 200 милијарди долари.

Поради строгите мерки и карантините воведени низ целиот свет, сè повеќе луѓе ги заменија конвенционалните начини на купување со набавки „од фотелја“.

За зголемениот обем на работа беа потребни повеќе работници, па Amazon побара повеќе работна сила. Во јавноста повеќе пати стигнуваше информација дека компанијата вработила повеќе работници.

Во септември минатата година, тие го завршија и четвртиот бран на вработување, при што уште 100.000 луѓе се вработија во компанијата.

Сепак, вработувањето на голем број луѓе беше придружено со многу контроверзии - Amazon беше мета на критики од јавноста, но и од американските сенатори, поради начинот на кој биле третирани магацинските работници за време на пандемијата.

Во октомври 2020 година, дури и беше организиран протест пред куќата на Безос. Работниците бараа поголеми плати, подобри бенефиции и построга заштита при работа во магацините на компанијата, пред сѐ од инфекција со коронавирус.

Неисправност на производите

Минатата година имаше уште еден скандал во Amazon. Имено, во септември тројца американски сенатори побараа итно запирање на пратките и повлекување на опасни производи.

Ова се случи откако CNN ги објави резултатите од својата истрага, кои покажаа дека десетици електронски производи на Amazon останале во продажба, и покрај поплаките на клиентите дека производите се топеле, експлодирале или се спалиле.

Во писмо до Безос како сопственик на Amazon, сенаторите Ричард Блументал од Конектикат, Роберт Мендес од Њу Џерси и Ед Марки од Масачусетс напишаа дека извештајот на CNN покажува дека продавачот ja игнорира сериознaта загриженост на клиентите за одредени електронски уреди, додавајќи дека овие производи може да продолжат да претставуваат сериозна закана за потрошувачите кои веќе купиле производи, додека не бидат повлечени.

Amazon не одговори директно на загриженоста на сенаторите, но од компанијата соопштија дека „безбедноста е на прво место“ и дека нивните производи ги исполнуваат сите безбедносни стандарди, според CNN.

„Ние сакаме клиентите да купуваат со доверба и ако сте загрижени, контактирајте ја нашата служба за клиенти и ние ќе испитаме“, рекоа од компанијата.

Историски развод

Мекензи Скот (50) стана една од најбогатите жени во светот откако официјално се разведе од Џеф Безос во 2019 година.

Џеф и Мекензи се венчаа во 1993 година и имаат четири деца.

Двојката беше во брак 26 години, а нивниот развод беше најскапиот во историјата - Мекензи доби 38 милијарди американски долари по бракоразводната парница - и со оглед на тоа што парите ги даде главно за хуманитарни цели, таа дефинитивно победи во т.н. ПР војна со поранешниот сопруг, додека неговата репутација остана неповратно нарушена.

Таа неодамна најави нови донации, а во своето појавување за медиумите ги нападна богатите во светот и уште еднаш суптилно го „закопа“ поранешниот сопруг Безос, обвинувајќи го за бескрупулозно трупање на богатство.

„Оваа пандемија ги уништи животите на Американците кои се мачеа и претходно. Економските загуби и здравствените резултати се загрижувачки, жените се особено погодени од кризата и сѐ повеќе луѓе живеат во сиромаштија, а истовремено значително го зголемуваат богатството на милијардерите“, предупреди Скот.

Инаку, Џеф Безос веќе некое време е во врска со поранешната телевизиска водителка Лорен Санчес, во која се вљуби уште додека беше во брак со Скот.

Каков совет би им дал на младите претприемачи?

Безос често го прашуваат каков совет би им дал на младите луѓе кои влегуваат во светот на бизнисот.

Она што најчесто го посочува како најважно е подготвеноста да се ризикува и да не се успее.

„Ризикувајте. Треба да бидете подготвени да ризикувате. Ако имате деловна идеја без ризик, таа веројатно веќе се спроведува некаде“, рече тој.

„Мора да имате нешто што можеби нема да успее. Тоа, на многу начини, ќе биде експеримент“.

Како што истакна, многу од овие експерименти ќе пропаднат, но големите неуспеси се неопходен дел од патот до успехот.

Тагови
реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Живот

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Најскапите намирници во светот: Треба да потрошите вистинско богатство за нив

Read more

5 причини зошто треба да го ограничите времето што децата го поминуваат пред екрани

Read more
 

Магазин

  • filter

Четири одлични совети: Слабеењето може да биде успешно и без одење во теретана

Читај повеќе

В недела почнува летното сметање на времето: Како поместувањето на стрелките влијае на нашето тело?

Читај повеќе

Едноставен и брз метод: Белите патики повторно ќе изгледаат како нови

Читај повеќе

Историски заблуди

Читај повеќе

5 совети како да го разгорите повторно вашиот сексуален живот

Читај повеќе

Голем месечен хороскоп за април 2024: Ретрограден Меркур им ги мрси конците на неколку знаци

Читај повеќе
  • filter

Најскапите намирници во светот: Треба да потрошите вистинско богатство за нив

Читај повеќе

Рецепт на денот: Јагнешки бут зачинет на грчки начин

Читај повеќе

Зошто никогаш не треба да го резервирате седиштето 11А во авион?

Читај повеќе