Прилепчанец загина во сообраќајна несреќа на регионалниот пат Градско-Прилеп.
Според полицијата, несреќата се случила вчера во 12.30 часот меѓу „пежо 307“ со скопски регистарски ознаки, управувано од Ј.К.(30) од Скопје и „опел аскона“ со прилепски регистарски ознаки, управувана од П.Н.(31) од Прилеп.
Во незгодата од здобиените повреди на лице место починал возачот на „опелот“, а смрт е констатирана од доктор од итна медицинска помош. Увид извршиле јавен обвинител и увидна екипа од Полициска станица Прилеп. По наредба на јавен обвинител над телото на починатиот ќе се изврши обдукција.
