Кина денеска сооопшти дека нејзината сонда заврши со земање примероци од површината на Месечината и ги заклучи во вселенското летало со кое ќе ги врати на Земјата.
Ова е првпат некоја земја да се обиде да изведе ваква мисија во изминатите 40 години.
Chang'e 5, третата кинеска сонда што слета на Месечината, е последната во низата сѐ поамбициозни мисии на вселенската програма на Пекинг, која исто така има и сонда на пат кон Марсс.
Chang'e 5 завчера слета на блиската страна на Месечината, во мисија да донесе примероци од Месечината на Земјата за првпат по 1976 година.
Сондата „заврши со земање примероци на Месечината и примероците се запечатени во вселенско летало“, се вели во соопштението на кинеската Национална вселенска управа.
Chang'e 5 треба да слета во Внатрешна Монголија во средината на декември, каде што претходно слетаа други кинески вселенски летала, откако Кина првпат испрати човек во вселената во 2003 година и стана трета земја по Русија и САД која успеала во тоа.
