Британскиот принц Чарлс изјави дека е „многу среќен“ што уште еднаш ќе стане дедо, после раѓањето на третото дете на неговиот син принцот Вилијам и неговата сопруга Кејт.
Војвотката од Кембриџ вчера роди момче тешко 3,8 килограми во болницата Сент Мери во Лондон.
Новиот принц е помлад брат на четиригодишниот принц Џорџ и принцезата Шарлот, која полни три години следната недела.
Принцот Чарлс во соопштението за медиумите, напиша дека е „голема радост да се има уште едно внуче“, како и тоа дека единствениот проблем му е што не знае како ќе успее „да го одржи чекорот со него“.
Сега веќе новото семејство со пет членови, денот го поминува во својот дом во Кенскингтонската палата.
Новото бебе е шесто правнуче на кралицата Елизабета Втора.
Вилијам и Кејт се уште не објавија како ќе се вика новиот член на семејството.
Според обложувалниците, фаворит е името Артур, а по него фаворити се уште и Џејмс и Алберт.