Британското кралско семејство објави официјални фотографии по повод седмиот роденден на принцот Џорџ.
Фотографиите, меѓу кои и роденденскиот портрет, ги направи мајка му, војвотката од Кембриџ.
Се претпоставува дека фотографиите се снимени во семејниот дом во Норфолк.
Кенсингтонската палата соопшти дека принцот Вилијам и Кетрин се „пресреќни“ што може да ги споделат овие фотографии со јавноста.
Принцот Џорџ Александер Луи е роден на 22 јули 2013 година. Тој е правнук на кралицата Елизабета Втора. Ќе биде 43-тиот монарх откако Вилијам Освојувачот ја добил англиската круна во 1066 година, по линија на дедо му Чарлс, принцот од Велс, и татко му Вилијам, војводата од Кембриџ.
Кејт неколкупати ги фотографираше Џорџ, сестра му Шарлот (5) и брат му Луи (2) во текот на карантинот, како им даваат аплауз на здравствените работници.