Британскиот принц Филип почина денеска на 99 години. Беше во брак со кралицата Елизабета 74 години и за тоа време играше клучна улога во англиската монархија.
Како татко на идниот крал Чарлс, и тој не остана имун на најголемиот скандал што ја потресе палатата во чиј центар беше неговиот најстар син.
Секако, тоа беше бракот на Чарлс со покојната принцеза Дијана што заврши неславно откако тој одлучи да се разведе од Дијана во 1992 година за да може се ожени со Камила Паркер-Боулс.
Писма откриени за јавноста во 2003 година утврдија дека принцот Филип тогаш застанал на страната на Дијана и го осудил неверството на неговиот син.
„Не можам да замислам дека некој со здрав разум би ја оставил Дијана за Камила“, напиша тогаш Филип.
„Признавам дека не сум талентиран за давање брачни совети, но Чарлс беше глупав кога ризикуваше сè со оглед на неговиот статус и позиција. Ниту јас, ниту кралицата не одобруваме некој од нив да има љубовник, односно љубовница“, нагласи тој.
Од писмото може да се заклучи дека принцот покажал сочувство кон Дијана и ѝ понудил да дејствува како посредник помеѓу неа и Чарлс.
Според Патрик Џефсон, тогашен приватен секретар на принцезата Дајана, поддршката од нејзиниот свекор многу ѝ значела.